Стати́стика — пĕлĕвĕн уйрăм сыпăкĕ, ăслав; унта массăлла статистикăлла панăлăхсене (шутлавлăхлисене е пахалавлăхлисене) пухассин, виçессин, мониторинг тата анализ тăвассин, танлаштарассин ыйтăвĕсене пăхса тухаççĕ; массăлла пĕрлĕхле пулăмсен шутлавлăх енĕсене хисепсен формипе тишкереççĕ.
Статистик — статистика енĕпе специалист.
Статистика сӑмах латинла status-ӗҫсем мӗнле пулнинчен килет. Ăна ăслăха нимӗҫ ăсчахӗ Готфрид Ахенвалль 1746 ҫулта кӗртнӗ, вăлах Германири университетсенче "Патшалăх пĕлĕвĕ" курса "Статистика" çине куçарма сĕннĕ, ҫакăнтанпа ĕнтĕ асăннă ăслай ăслăх-вĕрентӳ дисциплини статусĕнче аталанма пуҫланӑ. Статистика шутлавĕпе тахçанах усă курнă: Авалхи Китайра халӑх ҫыравӗсене ирттернӗ, Авалхи Римре ют çĕрсенчи ҫар вӑй-хӑватне хута илнĕ/танлаштарнӑ, граждансен пурлӑхне шута илнӗ тата ытти те.