مہوگنی (Mahogany) اک سِدھی داݨے والی، سرخی مائل بھوری لکڑی اے جو سوئیٹنیا جِنس دی تن پیناٹروپیکل ہارڈ ووڈ سپیشیز وچوں اے، جو امریکا وچ مقامی اے تے پیناٹروپیکل چائنا بیری خاندان، میلیسی دا حصا اے۔ مہوگنی نوں ایہدی رنگت تے پائیدار نوعیت دی وجہ توں تجارتی طور تے مختلف چیزاں بݨاؤݨ لئی استعمال کیتا جاندا اے۔ ایہ امریکا وچ قدرتی طور تے پایا جاندا اے لیکن ایہوں ایشیا تے اوشیانا وچ وی درآمد کیتا گیا اے۔ مہوگنی دی تجارت شاید 16ویں صدی دے اوائل وچ شروع ہوئی تے 17ویں تے 18ویں صدیاں وچ پروان چڑھی۔ بعض ممالک وچ مہوگنی نوں اک ناگوار نسل سمجھیا جاندا اے۔
ایہدے درخت اکثر امریکا، کیریبیا تے برازیل ورگے مُلکاں دے گھنے جنگݪات وچ پایا جاندے نیں۔[۱]
مہوگنی دیاں تن اہم قِسماں نیں؛ ہونڈراس، ویسٹ انڈیز تے وسطی امریکی۔ ہونڈوراس مہوگنی۔[۱][۲]
مہوگنی اک سِدھا، لمبا تے سدا بہار درخت اے۔ ایہدی لال گندمی ساخت ایہدی پہچاݨ اے۔ جے ایس لکڑ نوں پاݪش کیتا جاوے تاں نہایت عُمدا رنگ تے دیدا زیب نظر آؤندا اے تے مضبوط ساخت ہوݨ دی وجہ توں ایہدے بݨݨ آݪے فرنیچر لمبے چِر تک رہندے نیں۔
ایہدی اک ہور خوبی اے کہ ایہنوں کیڑے مکوڑے یا سینک نئیں لگدی جیہدی وجہ توں ایہ قیمتی لکڑی منی جاندی اے۔ ایہدے اس خواص دی بناء اُتے اس لکڑی نوں کشتیاں بݨاؤݨ لئی وی استعمال کیتا جاندا اے۔[۳] اکثر اس لکڑی نوں آلاتِ موسیقی تے ساز بݨاؤݨ لئی وی ورتیا جاندا اے۔[۴][۵] گٹار ورگے آلاتِ موسیقی ایسے لکڑی ناݪ بݨائے جاندے نیں۔