Johan Ludvig Runeberg, o 5 de febreiro de 1804 nado en Jakobstad (daquela parte do Reino de Suecia) e finado o 6 de maio de 1877 en Porvoo (daquela pertencente ao Gran Ducado de Finlandia), foi un poeta, profesor, xornalista e sacerdote finlandés. Runeberg é considerado o poeta nacional finlandés. A súa obra en lingua sueca tamén tivo un grande impacto na literatura sueca. A súa muller foi a escritora Fredrika Runeberg (de solteira Tengström).
Runeberg é o autor da letra de Maamme (orixinalmente en sueco Vårt land, en galego A nosa terra), o himno nacional de Finlandia con música de Fredrik Pacius.
O día 5 de febreiro celébrase en Finlandia o Runebergin päivä (en galego Día de Runeberg), nese día é habitual atopar á venda o Runebergintorttu (en galego Pastel de Runeberg), un pasteliño cuxa receita orixinal tería creado a súa muller Fredrika Runeberg, segundo conta a lenda.
|título=
na posición 3 (Axuda)